لاہور: گورنرپنجاب عمر سرفراز چیمہ کوعہدے سے ہٹا دیا گیا نوٹیفیکیشن کے مطابق گورنر پنجاب عمر سرفراز چیمہ کو عہدے سے ہٹا دیا گیا۔گورنرپنجاب کو وزیراعظم شہبازشریف کی ایڈوائس پرعہدے سے ہٹایا گیا ہے۔
نوٹی فیکیشن میں مزید کہا گیا ہےکہ نئے گورنر کی تعیناتی تک اسپیکر پنجاب اسمبلی چوہدری پرویز الہیٰ قائم مقام گورنرکے فرائض انجام دیں گے۔عمرسرفراز چیمہ کو بطورگورنر پنجاب دی جانے والی سیکورٹی واپس لے لی گئی ہے
پولیس ذرائع کے مطابق گورنر ہاؤس کے باہر بھاری نفری تعینات کردی گئی ہے۔ ڈی نوٹیفائی ہونے کے بعد اگر عمرسرفراز چیمہ گورنرہاؤس آئے توانہیں اندر داخل نہیں ہونے دیا جائے گا۔