اسلام آباد: پاکستان تحریک انصاف کے رہنما شہباز گل کی گاڑی موٹروے پر حادثے کا شکار ہوگئی جس میں وہ زخمی ہوگئے۔
حادثہ ایم ٹو خانقاہ ڈوگراں کی حدود میں پیش آیا. حادثے کے فوری بعد موٹر وے پولیس کے حکام موقع پر پہنچ گئے۔
شہباز گل اپنی گاڑی میں لاہور سے اسلام آباد آرہے تھے کہ گاڑی کو خانقاہ ڈوگراں کے قریب حادثہ پیش آیا۔
گاڑی میں شہباز گل سمیت چار افراد سوار تھے اور چاروں معمولی زخمی ہوئے جنہیں طبی امداد کے لیے قریبی ہسپتال منتقل کردیا گیا۔